Սիրիացի նկարիչն աշխարհի առաջնորդներին իսկական փախստականների է վերածել (լուսանկարներ)
Սիրիացի արվեստագետ Աբդալա Օմարին յուրօրինակ նկարների շարք է արել, որտեղ պատկերել է աշխարհի տարբեր երկրների նախկին և ներկայիս ղեկավարներին՝ փախստականների և մուրացկանների տեսքով:
Օմարիի ինքնատիպ նկարների շարքը կոչվում է «Խոցելիության սերիաները» և պատկերում է աշխարհի ամենահզոր և հարուստ առաջնորդներին ամենախղճալի իրավիճակում:
Սիրիացի նկարչի վրձնի զոհն են դարձել ԱՄՆ նախագահ Դոնալդ Թրամփը, նրա նախորդ Բարաք Օբաման, Ռուսաստանի Դաշնության ղեկավար Վլադիմիր Պուտինը, Իսրայելի վարչապետ Բենյամին Նեթանյահուն, Հյուսիսային Կորեայի նախագահ Կիմ Չեն Ընը, Գերմանիայի կանցլեր Անգելա Մերկելը, ինչպես նաև հենց Սիրիայի ղեկավար Բաշար ալ Ասադը:
Օմարին, ով 5 տարի առաջ հայրենի Սիրիայից Բելգիայի մայրաքաղաք Բրյուսել է տեղափոխվել, խոստովանել է, որ անգամ ինքն է կարեկցանք զգացել Ասադի իր ստեղծած տարբերակի հանդեպ:
