Ալեք Բոլդուինն ու Մելիսա ՄքՔարթնին պատկերել են Թրամփի և նրա մամլո քարտուղարի համբույրը (տեսանյութ)
Դերասաններ Ալեք Բոլդուինն ու Մելիսա ՄքՔարթնին Saturday Night Live երեկոյան հեռուստաշոուի ժամանակ կրկին ներկայացել են ԱՄՆ նախագահ Դոնալդ Թրամփի և նրա մամլո քարտուղար Շոն Սփայսերի կերպարներով:
Ինչպես հաղորդում է Associated Press-ը, ծաղրապատճենման սցենարի համաձայն` Սփայսերը, իբրև թե, տեղեկանում է, որ Թրամփը մտադիր է ազատել իրեն աշխատանքից:
Սպիտակ տանը երկրի ղեկավարի և մամլո քարտուղարի միջև երկխոսություն է տեղի ունենում. «Դուք երբևէ խնդրե՞լ եք ինձ սուտ ասել», - հարցնում է Սփայսերի կերպարը մարմնավորող ՄքՔարթնին, ինչի ի պատասխան Թրամփի կերպարով Բոլդուինն ասում է. «Այն ժամանակվանից միայն, երբ սկսեցիր աշխատել այստեղ»:
Այնուհետև «Թրամփը» համբուրում է «Սփայսերին»` չնայած մամլո քարտուղարի դիմադրությանը:
Ավելի վաղ հաղորդվում էր, որ Դոնալդ Թրամփը կրկին մտածում է Սպիտակ տան պաշտոնական ներկայացուցչի պաշտոնում Շոն Սփայսերին փոխարինելու մասին:
Հայտնի էր դարձել, որ դերասանուհի Մելիսա ՄքՔարթնին Նյու Յորքում շրջել է Շոն Սփայսերի կերպարով:
Trump had to show Spicey how deeply he values his work. #SNLLiveCoastToCoast pic.twitter.com/HKbhbBhfyY
— Saturday Night Live (@nbcsnl) May 14, 2017