Երևանում ավարտվեց ավագանու ընտրությունների քվեարկությունը. տեղամասերը փակվեցին

Այսօր Երևանում ընթացան Երևանի ավագանու ընտրությունները: Ժամը 20:00-ին փակվեցին ընտրատեղամասերը:

Ժամը 17:00-ի դրությամբ Երևանու ավագանու ընտրություններին մասնակցել են ընտրելու իրավունք ունեցող քաղաքացիների 34,52 տոկոսը:

Ընտրություններին մասնակցության վերջնական ցուցանիշը կհրապարակվի 21:00-ին:

Մայրաքաղաքում ձևավորված  է 10 տարածքային ընտրական հանձնաժողով, 474 ընտրական տեղամաս: Երևան քաղաքում ընտրողների թիվը 841 973 է:

Երևանի ավագանու ընտրություններին մասնակցում են 3 քաղաքական ուժեր՝ Հայաստանի Հանրապետական կուսակցությունը, «Երկիր Ծիրանի»-ին  և «Ելք» կուսակցությունների դաշինքը:

Հիշեցնենք, որ ընտրությունների քարոզարշավը մեկնարկեց ապրիլի 21-ին և  շարունակվեց մինչև մայիսի 12-ը ներառյալ:

Երևանի քաղաքապետի թեկնածուները 3 են՝ Տարոն Մարգարյան (ՀՀԿ), Նիկոլ Փաշինյան («Ելք»), Զարուհի Փոստանջյան («Երկիր ծիրանի»):

Նորաստեղծ «Երկիր Ծիրանի» կուսակցության ավանգանու առաջին տասնյակում են՝

Զարուհի Փոստանջյան, Մնացական Պարակշիև, Սոնա Աղեկյան, Հայկ Պետրոսյան,  Մարինա Խաչատրյան,  Կարապետ Աղաջանյան,   Տիգրան Փաշաբեզյան,  Լիլիա Դիլանյան,  Վահան Համազասպյան,  Գայանե Դավթյան:

«Ելք» կուսակցոթյունների դաշինքի առաջին տասնյակում են՝ 

Նիկոլ Փաշինյան,  Արայիկ Հարությունյան,  Դավիթ Խաժակյան,  Անահիտ Բախշյան, Աշոտ Աթյան, Ալեն Սիմոնյան, Անի Խաչատրյան,  Անի Սամսոնյան,  Տիգրան Ավինյան,  Սերգեյ Ղահրամանյան:

ՀՀԿ առաջին տասնյակում են՝

Տարոն Մարգարյան,  Սմբատ Լպուտյան,  Հովիկ Մուսայելյան,  Աստղիկ Գևորգյան,  Արա Երնջակյան,  Մարտին Վարդազարյան,  Լևոն Իգիթյան,  Աննա Ասատրյան,  Երվանդ Երզնկյան,  Միքայել Պողոսյան։

Ավագանու ընտրություններին ընտրելու իրավունք ունի 18 տարին լրացած ՀՀ քաղաքացին, որը մինչ քվեարկության օրն ունեցել է 6 ամսվա հաշվառում Երևանում։ Բացառություն են կազմում զինվորական ծառայությունից զորացրվածները և ազատազրկման վայրերից ազատվածները, որոնց հաշվառման ժամկետը Երևանում սահմանափակված չէ։ Ի տարբերություն համապետական ընտրություններին, այս դեպքում ընտրական իրավունք ունենալու համար պարտադիր չէ ունենալ ՀՀ քաղաքացիություն։ Քվեարկելու իրավունք ունեն նաև ՀՀ քաղաքացիություն չունեցող, սակայն Երևանում մեկ տարվա հաշվառում ունեցող անձինք։ Նույն պայմաններն են գործում նաև ավագանու անդամի թեկնածուների, բայց ոչ քաղաքակետի թեկնածուի համար։

Իսկ մանդատները բախշվում են համամասնորեն բոլոր քաղաքական ուժերի միջև, որոնք հաղթահարել են նվազագույն ձայների արգելքը (6% կուսակցությունների համար և 8% կուսակցությունների դաշինքների համար):