Մալաթիայում 34-ամյա քաղաքացին իր բնակարանում ինքնասպանություն է գործել
Երևանի Մալաթիա-Սեբաստիա վարչական շրջանում 34-ամյա քաղաքացին ինքնասպանություն է գործել:
Tert.am-ի հետ զրույցում ՀՀ ոստիկանության հասարակայնության հետ կապի և լրատվության վարչության ԶԼՄ-ների հետ կապի բաժնի պետ Էդգար Ջանոյանն ասաց, որ շտապօգնության ենթակայանից ոստիկանությունը նման հաղորդում ստացել է:
«Մայիսի 11-ին՝ ժամը 13:40-ին շտապօգնության ենթակայանից հաղորդում է ստացվել այն մասին, որ Սվաճյանի փողոցի շենքերից մեկի բնակարանում կախված վիճակում հայտնաբերել են քաղաքացու», -ասաց Ջանոյանը:
Ջանոյանը հայտնեց, որ օպերատիվ խումբը նշված բնակարանում առաստաղից պարանով կախված վիճակում հայտնաբերել է 1983-ին ծնված Հ.Հ.-ի դին:
Ոստիկանությունից հայտնեցին, որ նշանակվել է դատաբժշկական փորձաքննություն,կատարվում է քննություն:
Tert.am-ի տեղեկություններով Հ.Հ.-ն ամուսնացած էր և իր խնամքին ուներ անչափահաս երեխաներ: