Իրաքից Հայաստանում ապաստան խնդրած եզդիները խտրականության չեն ենթարկվել, բայց նախընտրել են հեռանալ. Ռուստամ Բաքոյան
Իրաքի հյուսիսում «Իսլամական պետության» զինյալների կողմից կատարված զանգվածային սպանություններից մեկ տարի տարի անց եզդիական համայնքի 3 ընտանիքի ապաստան էր խնդրել Հայաստանից, սակայն ՀՀ-ում մեկ տարի բնակվելուց հետո որոշել են լքել երկիրը: Tert.am-ի հետ զրույցում «Շամս» մարդասիրական ՀԿ նախագահ, Հայաստանում եզդիական համայնքի ներկայացուցիչ Ռուստամ Բաքոյանը վստահեցրեց՝ Հայաստանում ապաստան գտած Իրաքի եզդիները խտրականության կամ այլ նմանատիպ խնդրի չեն բախվել այստեղ: Ավելին՝ Բաքոյանը պատմեց, որ Հայաստանի եզդիական համայնքն ուժերի առավելագույն չափով աջակցել է այդ ընտանիքին:
«Խնդիրը, որ նրանք բախվել են հայոց լեզվի չիմացությունն է եղել, սակայն սա ժամանակի հարց է՝ լեզուն սովորեցնելը և այլն: Սակայն այդ 3 ընտանիքը Հայաստանում 1 տարի է ինչ ապրում են: Հայաստանի եզդիական համայնքի ու Իրաքի եզդիների մշակույթների միջև փոքր-ինչ տարբերություն կա: Եթե չեմ սխալվում, ապա մի ընտանիքն այս պահին դեռևս Թուրքիայում է, չգիտեմ՝ հասել են Իրաք, թե՝ ոչ. մյուսը, երևի արդեն Սինջար է վերդարձել, որտեղ իրենց ավերված բնակավայրերն են»,- ասաց նա:
Բաքոյանը պատմեց, որ Հայաստանի եզդիական համայնքի կողմից բավականին ջերմ ընդունելության են արժանացել Հայաստանում ապաստան խնդրած եզդիները՝ հատկացվել են բնակարաններ, առաջին անհրաժեշտության իրեր, աշխատանք են տրամադրել: Նա նկատեց, որ իրաքյան եզիդիներն Իրաքում բավական լավ են ապրել, այնպես, ինչպես հայաստանյան հասարակությունը չի ապրում: «Շամս» մարդասիրական ՀԿ նախագահը կարծում է, որ Իրաքից Հայաստան ժամանած եզդիներ, այստեղ գալով այլ ակնկալիքներ են ունեցել:
«Ընտանիքերին սառնարան, հեռուսացույց, ամեն անհրաժեշտը տրամադրվել է, որը նորմալ կեցություն կապահովի: Ակնալիճ գյուղում կառուցվող եզդիական տաճարում շինարարություն էին անում, եզդիական համայնքը նյութական աջակցություն էր ցուցաբերում այս ընտանքներին և այլն: Այլ խնդիր չի եղել, պարզապես քանի որ Իրաքում իրենք բավականին լավ պայմաններում են ապրել, ֆինսական տեսանկյունից ավելի լավ վիճակում էին, իրենց չի բավարարել եղածը: Արտասահման գնացած եդզիները բավականին լավ պայմաններում են ապրում՝ յուրաքանչյուր ընտանիքի մի քանի հարյուր կամ հազար եվրո են տրամադրել, իրենք էլ ակնկալում էին, որ պետության կողմից նման ուշադրություն կլինի»,- շարունակեց Բաքոյանը:
Հայաստանում եզդիական համայնքի ներկայացուցիչը, խոսելով Իրաքում այսօր գտնվող եզդիների մասին, շեշտեց, որ 2014 թվականից սկսած եզդիների ցեղասպանությունը մինչ օրս շարունակվում է: Բաքոյանը պատմեց, որ եզդիների նկատամամբ բռնությունները շարունակվում են, կան եզդիական ճամբարներ, եզդիները գտնվում են վրաններում՝ անկախ եղնակային պայմաններից:
«3500 եզդի կանայք՝աղջիկներ, երեխաներ, գտնվում են ահաբեկիչների ձեռքում, ենթարկվում են սեռական բռնությունների: Այս մասով ո՛չ իրաքյան կենտրոնական կառավարությունը, ո՛չ քրդական ինքնավարությունը էական քայլ չեն ձեռնարկել իրավիճակը փոխելու համար: Հակառակ երևույթը կա, այսինքն՝ որտեղ եզդիների ինքնապաշտպանական ջոկատներ են ձևավորվել՝ իսլամիստների դեմ պայքարելու համար, քրդական կառավարական զորքերը, Սիրիայի քրդերը բախում են առաջացնում, արդյունքում՝ եզդի զինվորներ են մահանում: Վերջերս էլ Իրանի կառավարության կողմից որոշակի քայլեր արվեցին, ինչի հետևանքում թուրքական ուժերի կողմից ռմբակոծվեց եզդիաբնակ Սինջարի շրջանը»,- ահազանգեց Ռուստամ Բաքոյանը: