Գերմանիայում թողարկվել է միլիոներորդ Porsche 911 սուպերքարը (լուսանկար)
Porsche ընկերությունը թողարկել է 911 սպորտային մեքենայի միլիոներորդ օրինակը: Այդքան մեքենա է արտադրվել 1963 թվականից ի վեր:
Ինչպես հայտնում է Motor.ru-ն, հոբելյանական ավտոմեքենան պատրաստվել է Ցուֆենհաուզենի գործարանում: Միլիոներորդ 911-ը ներկայանում է որպես մոդելի հատուկ տարբերակ: Այն պատված է էքսկլյուզիվ կանաչ գույնով, որը հայտնի է որպես «Իռլանդական կանաչ»:
Մեքենայի ինտերիերը ևս տարբերվում է: Սրահը պատված է ձեռքով քարված կաշվով և վանդակավոր գործվածքով, ինչը հիշեցնում է Ֆերդինանդ Պորշեին պատկանած առաջին 911 մոդելի ինտերիերը:
Մոդելի հատուկ տարբերակը համալրված է 3 լիտր ծավալով տուրբոշարժիչով, որը 450 ձիաուժ հզորություն է զարգացնում և աշխատում է մեխանիկական փոխանցման տուփի հետ համատեղ: 100 կմ/ժամ արագությունը մեքենան զարգացնում է 4.1 վայրկյանում, իսկ առավելագույն արագությունը կազմում է 321 կմ/ժամ:
