Վատիկանի մոտ համբուրվող Ֆրանցիսկոս պապի և Դոնալդ Թրամփի նոր գրաֆիտի է հայտնվել
Վատիկանի մոտակայքում նոր գրաֆիտի է հայտնվել` Հռոմի Ֆրանցիսկոս պապի և ԱՄՆ նախագահ Դոնալդ Թրամփի պատկերով:
Ինչպես հայտնում է ТАСС գործակալությունը` վկայակոչելով իտալական աղբյուրը, գրաֆիտիում առաջնորդներին պատկերել են համբուրվելիս: Ֆրանցիսկոս պապին պատկերել են հրեշտակի տեսքով, իսկ Թրամփին` սատանայական եղջյուրներով:
Վատիկանը որևէ մեկնաբանություն չի արել նոր գրաֆիտիի հետ կապված:
Ինչպես ավելի վաղ հայտնի էր դարձել ամերիկացի առաջնորդը Հռոմի պապի հետ հանդիպում կունենա մայիսի 24-ին Վատիկանում:
Ֆրանցիսկոս պապն առաջին անգամ չէ, որ հայտնվում է սթրիթ-արտի վարպետների ուշադրության կենտրոնում: Նրա մասնակցության առաջին գրաֆիտին հայտնվել էր 2014-ին, երբ քահանայապետին պատկերել էին սուպերմենի տեսքով: