Սերխիո Ռամոս. Ռեալի ֆուտբոլիստները ճնշում չեն զգում Աթլետիկոյի հետ խաղից առաջ
Մադրիդի «Ռեալի» ավագ Սերխիո Ռամոսը խոսել է Չեմպիոնների լիգայի կիսաեզրափակչում «Աթլետիկոյի» հետ պատասխան հանդիպման մասին:
«Ռեալը» խաղալու է իր ֆուտբոլը: Լավ արդյունքի ենք հասել առաջին խաղում: Այո, ունենք առավելություն, սակայն ոչինչ վճռված չէ: Սա առաջին հանդիպումը չէ «Վիսենտե Կալդերոնում»: Ամեն ինչ մեր ձեռքերում է:
«Ռեալը» կարող է երկու տիտղոս նվաճել, և ամեն ինչ կանենք դրա համար: Չեմ կարծում, որ երկրպագուներն առանցքային դեր են կատարելու: Վաղը կտեսնենք, թե ով է ավելի լավը:
«Ռեալի» ֆուտբոլիստները ճնշում չեն զգում: Հարգում ենք ցանկացած մրցակցի: Վաղը կտեսնենք, թե ով է դուրս գալիս եզրափակիչ»,- Ռամոսի խոսքը մեջբերում է ՈւԵՖԱ-ի կայքը:
«Աթլետիկո»-«Ռեալ» պատասխան հանդիպումը կկայանա մայիսի 10-ին: