Պամելա Անդերսոնը պատմել է Ջուլիան Ասանժի հետ հարաբերությունների մասին
Ամերիկացի դերասանուհի Պամելա Անդերսոնը պատմել է WikiLeaks-ի հիմնադիր Ջուլիան Ասանժի հետ իր ահարբերությունների ծաղկման մասին:
Ինչպես դերասանուհին նշել է, իրենց հարաբերությունները մեծ զարգացում են ունեցել այն բանից հետո, երբ վերջինս Ասանժի համար բուսակերի սնունդ էր տարել Լոնդոնում Էլվադորի դեսպանություն, որտեղ նա թաքնվում է Շվեդիայի իշխանություններից:
«Ջուլիանը փորձում է ազատագրել աշխարհը` ուսուցանելով այն: Դա ռոմանտիկ պայքար է: Ես սիրում եմ նրան դրա համար», - The Telegraph-ի փոխանցմամբ` ասել է դերասանուհին` զսպվածություն պահպանելով իրենց փոխհարաբերությունների բնույթի մասին հարցին պատասխանելիս:
Ասանժի հետ իր հարաբերությունները Անդերսոնը նկարագրել է նաև որպես «բարդ, սակայն համալրված խոր զրույցներով»: