Բացվել է Ինեկոբանկի նորարարական մասնաճյուղը Երևանի գործարար կենտրոնում
Երևանի գործարար սրտում գտնվող «Էլիտ Պլազա» բիզնես կենտրոնում բացվել է «Ինեկոբանկի» նոր մասնաճյուղը՝ նախատեսված անհատ հաճախորդների սպասարկման համար:
Բացման արարողության ժամանակ Ինեկոբանկի վաճառքների տնօրեն Արամ Բալոյանը նշել է. «Այս մասնաճյուղի միջոցով մենք ավելի մոտեցանք մեր հաճախորդների շատ կարևոր սեգմենտներին: Նրանք հիմնականում Երևանի գործարար կենտրոնում տեղակայված բիզնես և պետական հիմնարկների աշխատակիցներն են, ովքեր իրենց զբաղվածության պատճառով շատ քիչ ժամանակ կարող են հատկացնել բանկային գործարքների համար և հաճախ ստիպված են լինում զոհել իրենց ընդմիջմանը հատկացված ժամանակը։
Ինեկոբանկն իր նոր մասնաճյուղով լուծել է ոչ միայն հաճախորդին մոտ գտնվելու խնդիրը, այլ իր նոր՝ նախադեպը չունեցող ձևաչափի շնորհիվ նվազագույնի է հասցրել բանկային գործարքների վրա ծախսվող ժամանակը:
Այս մասնաճյուղում դուք չեք տեսնի ավանդական բանկին բնորոշ հերթեր, անթիվ թղթեր, հաճախորդների համար անհասկանալի գործով զբաղված աշխատակիցներ: Այստեղ նույնիսկ ավանդական դրամարկղեր չկան: Այս մասնաճյուղը գերհագեցած է տեխնոլոգիաներով, որոնք բանկային ծառայություններն առաքում են ժամանակակից մարդուն հարմար գործիքներով և ուղիներով:
Մեր աշխատակիցներն այստեղ են հաճախորդներին ֆինանսական խորհրդատվություն մատուցելու և այդ տեխնոլոգիաներին հասանելիություն ապահովելու համար»:
Կանխիկով գործարքների համար մասնաճյուղում հասանելի են InecoExpress տերմինալները, որոնք առաջին անգամ Հայաստանում թույլ են տալիս իրականացնել կանխիկի մուտք և ելք երեք հիմնական արժույթներով: Տերմինալների միջոցով հնարավոր է կատարել հաշիվների համալրումներ, վարկերի մարումներ, քարտային և այլ հաշիվներից կանխիկացումներ, կոմունալ վճարումներ։
Հաճախորդներն այստեղ կարող են ծանոթանալ և բաժանորդագրվել Ինեկոբանկի հեղափոխական օնլայն և մոբայլ լուծումներին: Oգտագործողների քանակով InecoOnline համակարգը և InecoMobile հավելվածը հանդիսանում են հայաստանյան բանկային շուկայի առաջատարները:
Ինեկոբանկի մասին.
Հիմնադրված 1996թ.-ին՝ «Ինեկոբանկ» ՓԲԸ-ն հանդիսանում է Հայաստանի առաջատար բանկերից մեկը անհատ հաճախորդների, Միկրո և ՓՄՁ ոլորտի հաճախորդների համար՝ սպասարկելով 300.000-ից ավելի անհատ և 10 000-ից ավելի բիզնես հաճախորդների: Առաջին բանկն է Հայաստանում, որ ներդրել է ապառիկ առևտրի վարկավորման ծառայությունը՝ խթանելով սպառողական ապրանքների շուկայի զարգացմանը:
Համար 1 բանկն է Հայաստանում կապիտալի շահութաբերության ցուցանիշով (ROE, 2015թ.): Առաջատար բանկն է ՀՀ-ում միջազգային ներդրողների քանակով (30-ից ավելի): Բանկի խոշոր բաժնետերերն են EBRD, IFC, DEG միջազգային կազմակերպությունները: 2015թ․-ին «Ինեկոբանկ» ՓԲԸ-ն ձեռք բերեց ՊրոԿրեդիտ Բանկ ՓԲԸ բաժնետոմսերի 100%-ը։