Պապ թագավորը չի սպանվելու, Հայաստանի պետությունը չի սպանվելու, ինչ վեղար էլ ուզում են հագնեն, ինչ մետաղից խաչ ուզում են կախեն դոշներից․ Փաշինյան
Պապ թագավորը չի սպանվելու, Հայաստանի պետությունը չի սպանվելու, ինչ վեղար էլ ուզում են հագնեն, ինչ մետաղից խաչ ուզում են կախեն դոշներից:
Այս մասին Աժ-ում կառավարության հետ հարցուպատասխանի ժամանակ հայտարարեց ՀՀ վարչապետ Նիկոլ Փաշինյանը։
Վարչապետը նախ նշեց, որ հիմա ավելի ու ավելի համոզված է ասում, որ ավելի գործուն երաշխիք անվտանգության, քան լեգիտիմությունն է գոյություն չունի։
«Երբ Ադրբեջանն ընդունում է, որ այս գծով սկսում է ՀՀ-ն, ինքը դրանով հայտարարագրում է, այդ թվում իր համար այդ տարածքի անձեռնմխելիությունը և հակառակը՝ երբ մենք հայտարարագրում ենք, որ այս գծից այն կողմ Ադրբեջան է, մենք հայտարարագրում ենք մեր ընկակլումն ու դիրքորոշումը, որ այդ գծից հետո անձեռնմխելի է, այսպես է անվտանգության համակարգն աշխատում»,- ասաց նա։
Ըստ Փաշինյանի՝ նրանք ովքեր հակառակն են ասում՝ ուզում են մեզ այս լեգիտիմ տարածքից դուրս բերել, և մեզ դարձնել լեգիտիմ թիրախ ուրիշների համար։ Նրա խոսքով դա ուզում են, որ լինեն երկրներ որ ասեն՝ դե տեսնում եք ՀՀ-ն ի վիճակի չէ անկախ պետություն լինել, իրեն պետք է կիսաֆորպոստային իրավիճակներում յոլա գնալ։
«Ապրե՛ք, կերե՛ք, մո՛մ վառեք, մնացածը մենք ձեզ համար կանենք, իսկ երկիրը կառավարելու շատ ավելի լուրջ մեխանզիմներ կան, որոնք երկար դարերով գործել են։ Ձեր ինչի՞ն է պետք կառավարություն, տեղական ինքնակառավարում, խորհրդարան, ձեզ կան թեմեր։ Հիմա ասենք՝ Ավստրալիայում չկա ՀՀ կառավարություն, բայց կա Ավստրալիայի թեմ, վա՞տ է, իհարկե, վատ չէ, 10 մարզի փոխարեն կլինենք 10 թեմ։
Ի վերջո հայ ժողովուրդն ունեցել է այդ փորձը և ուրիշներն այդ փորձը մատուցել են, որ ինքը կառավարման այլ եղանակ է ունեցել՝ կայսերական կառավարման եղանակ, որ գնում էին Կեսարիայում օծվում էին, գալիս էին ՀՀ-ում, դառնում էին ազդեցության գործակալ։ Խեղճ Պապ թագավորը քաշեց, բերեց Հայաստան, ֆիզիկապես բերեց։ Այդ ազեդեցության գործակալի մասը Պապ թագավորից միչև էսօր չի լուծվել, բայց ես համոզված եմ՝ աեռաջիկա 1-3 ամսվա ընթացքում դա էլ է լուծվելու և այն հարցը, որ այսօր լուծվում է ՀՀ-ում, հազարամյա հարց է, ոչ թե վեց կամ 30 տարվա»,- ասաց նա։
Ապա Փաշինյանը նշեց, որ 2018 թվականից անընդհատ խոսում է Պապ թագավորի մասին, սա այն խոսակցությունն է, որ ընդհատվել է Պապ թագավորի սպանությամբ․
«Պապ թագավորն այլևս չի սպանվելու։ Ես որպես ՀՀ վարչապետ երաշխավորում եմ սա, որ Պապ թագավորը չի սպանվելու, Հայաստանի պետությունը չի սպանվելու, ինչ վեղար էլ ուզում են հագնեն, քանի ԿԳ-ոց ու ինչ մետաղից խաչ ուզում են դոշներից կախեն։ Այսօրվա ՀՀ-ն իրագործումն է Պապ թագավորի երազանքի և այդ երազանքն իրագործվել է և այլևս այդ երազանքը որևէ մեկը չի կարող սպանել, սա է մեր քաղաքական առաքելությունը»,- շեշտեց վարչապետը։