Հայաստանը վերածվել է մի մեծ քրեակատարողական հիմնարկի. կգա մի օր` կմնա մի օր հայրենիքի պատվազրկմանը, այդ անխուսափելի օրը պետք է մոտեցնել միասնական ջանքերով․ Աշոտյան
Հայաստանը վերածվել է մի մեծ քրեակատարողական հիմնարկի, որում ազատությունից, խղճից, արժանապատվությունից, իրավունքներից, ապագայից, հույսից, անգամ` կյանքից զրկում են մի ամբողջ ժողովրդի։
«Նուբարաշեն» ՔԿՀ-ից գրել է ՀՀԿ փոխնախագահ Արմեն Աշոտյանը․
«Այն հիմնարկում, որտեղ Նիկոլի ապօրինի և անբարո սարքոցիով դիմավորելու եմ օրացույցային հունվարի 1-ը` կտրված իմ օջախից, ընտանիքից և երեխաներից, մի արտահայտություն կա, որով մարդիկ գոտեպնդում, հուսադրում և քաջալերում են իրար. «Կգա մի օր` կմնա մի օր»:
Իմ խորին համոզմամբ, բանտային լիրիկայից այս կարգախոսը գալիք տարվա նախաշեմին ամենատեղին հնչող խոսքը կարող է լինել ամբողջ երկրի համար։
Հայաստանը վերածվել է մի մեծ քրեակատարողական հիմնարկի, որում ազատությունից, խղճից, արժանապատվությունից, իրավունքներից, ապագայից, հույսից, անգամ` կյանքից զրկում են մի ամբողջ ժողովրդի։
Կգա մի օր` կմնա մի օր.հայրենիքի պատվազրկմանը և վերահաս վտանգներին, բարոյական ճգնաժամին, ահագնացող սպառնալիքներին, ազգի անպատվությանը, արյան և գերեզմանների վրա տռզած և խրախճանք անող շնաձկներին։
Կգա մի օր` կմնա մի օր. մեր ցավերին, մեր դարդերին, մեր տառապանքներին և այս մղձավանջի պատճառ Նիկոլի իշխանությանը։
Այդ անխուսափելի օրը պետք է մոտեցնել միասնական ջանքերով, բայց դա արդեն բոլորովին այլ պատմություն է։
Կգա մի օր` կմնա մի օր...»,- գրել է Աշոտյանը։