2022-ին Իլոն Մասկը կորցրել է 140 միլիարդ դոլար. Bloomberg
Bloomberg Billionaires Index-ի համաձայն՝ ամերիկացի ձեռնարկատեր Իլոն Մասկը 2022 թվականի սկզբից կորցրել է իր անձնական ունեցվածքից մոտ 140 միլիարդ դոլար։ Մասկի կարողության մեծ մասի կորուստը վերագրվում է Tesla-ի արժեթղթերի գնի 68% անկմանը և Մասկի կողմից 44 միլիարդ դոլարով Twitter-ի գնմանը:
Դեկտեմբերի 28-ի դրությամբ Իլոն Մասկի ընդհանուր կարողությունը գնահատվում է 130 միլիարդ դոլար: Նշվում է, որ Մասկի մասնաբաժինը SpaceX-ում ներկայումս նրա ամենաթանկ ակտիվն է, որի արժեքը կազմում է 47 մլրդ դոլար, մինչդեռ Tesla-ում նրա մասնաբաժինը կազմում է մոտ 40 մլրդ դոլար։
Չնայած այն հանգամանքին, որ գործարարը ձեռք է բերել Twitter-ը 40 միլիարդ դոլարով, փորձագետները ընկերությունը գնահատում են ընդամենը 20 միլիարդ դոլար:
Չնայած կտրուկ անկմանը, գործարարը շարունակում է զբաղեցնել աշխարհի ամենահարուստ մարդկանց ցուցակի երկրորդ հորիզոնականը։
LVMH-ի համահիմնադիր և գործադիր տնօրեն Բեռնար Առնոն առաջին տեղում է՝ 163 միլիարդ դոլար կարողությամբ: Վարկանիշի երրորդ տեղը զբաղեցնում է հնդիկ գործարար Գաուտամ Ադանին՝ 116 մլրդ դոլար կարողությամբ, վեցերորդ տեղում է Amazon-ի հիմնադիր Ջեֆ Բեզոսը՝ 106 մլրդ դոլար կարողությամբ։ Անցած տարվա ընթացքում այն կորցրել է 86,3 մլրդ դոլար։