Ուկրաինայում պատերազմը կարող է վերածվել ՆԱՏՕ-ի և Ռուսաստանի միջև մեծ պատերազմի. Ստոլտենբերգ
ՆԱՏՕ-ի ղեկավարը մտահոգություն է հայտնել, որ Ուկրաինայում մարտերը կարող են դուրս գալ վերահսկողությունից և վերածվել Ռուսաստանի և ՆԱՏՕ-ի միջև պատերազմի:
Ինչպես նշում է apnews.com-ը, այս մասին ասվում է հրապարակված հարցազրույցում։
«Ամեն ինչ կարող է սարսափելիորեն սխալ ընթանալ: Ուկրաինայում սարսափելի պատերազմ է: Դա նաև պատերազմ է, որը կարող է դառնալ լիարժեք պատերազմ, որը կվերածվի ՆԱՏՕ-ի և Ռուսաստանի միջև մեծ պատերազմ: Մենք ամեն օր աշխատում ենք դրա վրա՝ դրանից խուսափելու համար», - ասել է ՆԱՏՕ-ի գլխավոր քարտուղար Ենս Ստոլտենբերգը նորվեգական NRK հեռուստաընկերությանը:
Նորվեգիայի նախկին վարչապետ Ստոլտենբերգը հարցազրույցում ասել է, որ «կասկած չկա, որ լիարժեք պատերազմը հնարավոր է»՝ հավելելով, որ կարևոր է խուսափել հակամարտությունից, «որը ներգրավում է ավելի շատ երկրներ Եվրոպայում և դառնում լիարժեք պատերազմ Եվրոպայում»:
Կրեմլը բազմիցս մեղադրել է ՆԱՏՕ-ի դաշնակիցներին այն բանի համար, որ դրանք դարձել են հակամարտության կողմ՝ Ուկրաինային զենք տրամադրելով, նրա զորքերին մարզելով և ռազմական հետախուզություն տրամադրելով ռուսական ուժերի վրա հարձակվելու համար: