Արգենտինան չեմպիոնական խաղ է ցուցադրում, բայց ֆավորիտների չեմպիոնական շանսերը հավասար են․ Սուրեն Բաղդասարյան (տեսանյութ)
Արգենտինան չեմպիոնական խաղ է ցուցադրում, բայց ֆավորիտների չեմպիոնական շանսերը հավասար են:
«Կիզակետում Արկադի Գրիգորյանի հետ» հաղորդման ժամանակ նման տեսակետ է հայտնել մարզական մեկնաբան, «Ֆուտբոլ +» թերթի հիմնադիր-նախագահ Սուրեն Բաղդասարյանը․
«Մեսսին և Ռոնալդուն շատ լավ են խաղում։ Այդ առումով հետաքրքիր կլինի Արգենտինայի և Պորտուգալիայի մրցակցությունը։ Վերջին երկու խաղում Արգենտինան չեմպիոնական խաղ ցուցադրեց։ Գուշակություններից խուսափում եմ, սակայն փլեյ-օֆֆում գտնվող բոլոր հավաքականներն էլ չեմպիոնության շանսեր ունեն։ Գերմանիայի բախտը չբերեց, պատահականության զոհ դարձան, սակայն շարունակում են նույն հզոր մեքենան մնալ։ Չեմ համարձակվի ասել, որ Բրազիլիան անպայման չեմպիոն է դառնալու։ Կատար-2022-ը կարելի է անակնկալների առաջնություն կոչել։ Սաուդյան Արաբիայի, Կոստա Ռիկայի կամ Ճապոնիայի նման հավաքական ունենալու համար երկիրը պետք է հարուստ լինի, պատերազմի մեջ չլինի, լավ ենթակառուցվածքներ ու ուժեղ ներքին առաջնություն ունենա»,- նշել է Բաղդասարյանը։
Մեր հավաքականի խնդիրներն, ըստ մեկնաբանի, մարզչով չեն պայմանավորված։ Եթե բարձրակարգ ֆուտբոլիստներ չունես, անգամ Մոուրինյոյին հրավիրելը չի օգնի։ Բաղդասարյանը համոզված է, որ Մխիթարյանի հավաքականից հեռանալու գլխավոր մեղքը ֆուտբոլի ֆեդերացիայի ղեկավարությանն է։
Հարցազրույցն ամոբղջությամբ՝ տեսանյութում․