Եթե ապաքրեականացվում է, ապա հայհոյելու համար հարուցված քրեական գործերը ենթակա են կարճման․ Վլադիմիր Վարդանյան․ «Իրավունք»
«Իրավունք» թերթը գրում է․ «ԱԺ Պետաիրավական հարցերի մշտական հանձնաժողովի նախագահ, ՔՊ-ական պատգամավոր Վլադիմիր Վարդանյանի պնդմամբ` հայհոյանքի քրեականացումը եղել է որպես ժամանակավոր միջոց, դրա համար էլ նոր օրենսգրքում, որն ուժի է մեջ է մտնելու հուլիսի 1-ից, այդ հոդվածը չկա:
– Հուսամ, որ այս կարգավորումներով եւ քրգործերի առկայությամբ որոշակի կանխարգելում իրականացվեց եւ ատելության խոսքը չբարձրացավ բարձր մակարդակի: Հայհոյանքը եղել է եւ շարունակվելու է մնալ որպես տաբու հայկական հասարակության մեջ:
– Պարոն Վարդանյան, իսկ արդեն հարուցված քրգործերն ի՞նչ են լինելու:
– Եթե ապաքրեականացվում է, ապա քրեական գործերը ենթակա են կարճման: Որեւէ դրույթի քրեականացումը կամ ապաքրեականացումը քաղաքական կամքի դրսեւորում է: Քաղաքական իրավիճակը կարող է փոխվել, եւ արարքը դառնում է հանրորեն վտանգավոր կամ քիչ վտանգավոր։ Կովիդի սահմանափակումները եւս ապաքրեականացվել են, որովհետեւ մեծ քանակի պատվաստանյութեր ունենք արդեն:
– Ինչպե՞ս եք պարզել, որ ատելության խոսքի մակարդակը նվազել է:
– Շատ հեշտ է` փորձեք սոցցանցերն ուսումնասիրել, խոսույթը, հայտարարություններն ուսումնասիրել»։
Մանրամասները՝ թերթի այսօրվա համարում։