Ռուսաստանը ՀԱՊԿ անդամ է, համոզված ենք՝ ՀԱՊԿ դիմելն արդյունավետ մեխանիզմ է, մեծ հաշվով տարբերություն չկա. Արմեն Գրիգորյանը՝ ռազմավարական դաշնակցին չդիմելու մասին
Մենք որոշել ենք ՀԱՊԿ-ին դիմել, համոզված ենք, որ այս գործընթացը կօգնի, որ խնդիրն ամբողջովին լուծենք: Այս մասին այսօր Առաջին ալիքի եթերում ասաց ԱԽ քարտուղար Արմեն Գրիգոյանը՝ խոսելով ՀԱՊԿ դիմելու որոշման մասին:
ԱԽ քարտուղար Արմեն Գրիգորյանը նշեց՝ սպառնալիք է ստեղծվել և այն չեզաքացնելու համար երկրորդ հոդվածով են դիմում ՀԱՊԿ-ին: Հարցին՝ ինչու ՀՀ-ն չդիմեց ռազմավարական դաշնակից Ռուսաստանին, Գրիգորյանը պատասխանեց.
«Կառույցի պատմության մեջ առաջին անգամ է նման գործընթաց սկսվում, Ռուսաստանը անդամ է կառույցին և մենք համոզված ենք, որ սա արդյունավետ մեխանիզմ է, մեծ հաշվով տարբերություն չկա»,-ասաց նա և հավելեց, որ խորհրդատվություններից, քննակումներից հետո հույս ունեն, որ մոտ օրերս արձագանք կլինի: