ԱՄՆ-ն մայիսի 4-ից կսահմանափակի Հնդկաստանից ուղևորություններն իր երկիր
ԱՄՆ-ն մայիսի 4-ից Հնդկաստանից իր երկիր ճանապարհորդության սահմանափակումներ կսահմանի այդ երկրում կորոնավիրուսային վարակի աճի ֆոնին: Այս մասին հայտնում է Интерфакс-ը՝ հղում տալով Սպիտակ տանը:
Սպիտակ տան խոսնակ Ջեն Փսակին նշել է, որ Ջո Բայդենի վարչակազմի որոշումը կայացվել է Հիվանդությունների վերահսկման և կանխարգելման ամերիկյան կենտրոնի առաջարկության հիման վրա:
«Այս սահմանափակումները կգործեն COVID-19- ի չափազանց բարձր դեպքերի և բազմաթիվ շտամների տարածման պատճառով», - ասել է Փսակին:
Ակնկալվում է, որ այդ սահմանափակումները չեն տարածվի Ամերիկայի այն քաղաքացիների վրա, ովքեր վերադառնում են իրենց հայրենիք:
ԱՄՆ Պետդեպարտամենտը նախօրեին ամերիկացիներին հորդորել էր հնարավորության դեպքում չայցելել Հնդկաստան: