Ռուսաստանի դեսպանին կանչել են Բուլղարիայի ԱԳՆ
Բուլղարիայում Ռուսաստանի դեսպան Էլեոնորա Միտրոֆանովան հրավիրվել է հանրապետության արտգործնախարարություն: Այս մասին տեղեկացնում է «ՌԻԱ Նովոստի» գործակալությունը` հղում տալով Բուլղարական ազգային ռադիոյին:
Հանդիպումը տեղի կունենա հինգշաբթի օրը, պատճառը չի նշվում: Արտաքին գործերի նախարարությունը նշել է, որ իրենք տեղեկատվություն են փոխանցելու զրույցի փաստի վերաբերյալ:
Ավելի վաղ Բուլղարիայի դատախազությունը հայտնել էր, որ 6 ռուսաստանցիներ կարող են ներգրավված լինել զենքի պահեստներում և գործարաններում տեղի ունեցած պայթյունների գործում: Ըստ գլխավոր դատախազի մամուլի քարտուղար Սիյկա Միլևայի, վերջին 10 տարիների ընթացքում այնտեղ տեղի են ունեցել մի քանի պայթյուններ: Այս դեպքերից 4-ում քննիչները գտել են նմանություններ: Որոշ պահեստներ զենք էին պահում Վրաստանի և Ուկրաինայի համար: