«Ես պնդում եմ, որ աբսուրդ է այս ամենը». Արա Բաբլոյանը` իր մեղադրանքը փոխելու մասին. News.am
ԱԺ նախկին նախագահ Արա Բաբլոյանը կարծում է, որ վարչապետ Նիկոլ Փաշինյանին իր գործով սխալ տեղեկատվություն են տալիս: NEWS.am-ի հետ զրույցում Արա Բաբլոյանն անդրադարձել է իր դեմ առաջադրված քրեական գործին և մեղադրանքը փոփոխելուն:
«Քանի որ վարչապետը շատ հանգամանորեն փորձեց հիմնավորել ամբողջ էդ գործընթացը Հանրային հեռուստատեսությամբ, ես անմիջապես դիմեցի Պետրոս Ղազարյանին, որ տա ինձ հնարավորություն նույն հաղորդաշարում, նույն ժամանակահատվածում բացատրել ամբողջ այդ գործընթացը ու կարողանալ ափսոսանքս հայտնել, որ վարչապետի խորհրդականները կամ օգնականները, որոնք որ պետք է տան իրեն տան իրեն տեղեկություններ և պետք է տան տեղեկություններ, որոնք որ ցանկալի կլինի լսել, կամ ինչ-որ հարցի լուծում տալ, այլ էական տեղեկություններ, որովհետև ի վերջո իրենք դնում են մեր երկրի գործադիր իշխանության առաջին դեմքին վատ դրության մեջ: Որովհետև մարդը միլիոնավոր կամ հազարավոր հեռուստադիտողներին ինչ-որ բան է բացատրում, որը բացառապես էդպես չի:
Օրինակ` բացատրվում է, որ Գագիկ Հարությունյանը ամսի 5-ին գրել էր դիմում, հետո որոշեցին, որ դա լավ չի, որոշեցին, որ դիմումը դարձնեն ամսի 1-ով, էն դեպքում, որ իմ քրեական գործով, բացառապես նման բան գոյություն չունի և մեր պարագայում ես ուզում եմ ասեմ, որ չկա որևիցե դրվագ, որ Արա Բաբլոյանը խախտած լինի իր պարտականությունը Ազգային ժողովի բնականոն աշխատանքը ապահովելու»,- ասաց նա:
Բաբլոյանը տարակուսանք է հայտնել, որ եթե 94 պատգամավոր նույնիսկ կասկածի տակ չի դրել, թե ինչու է նոր Կանոնակարգով հարցը քննարկում, այլ ոչ թե հինով և բոլորը քվեարկել են, ապա ի՞նչի պետք է 94-ը ճիշտ լինեն, 1-ը սխալ:
«Այս հարցում հիմնական օրերը ամսի 5-ն ու 12-ն են: Ամսի 5-ին հրապարակվել է իմ կողմից ստորագրված փաստաթուղթը, որը ոչ թե ստորագրվել է ամսի 5-ին, այլ ստորագրվել է ամսի 2-ին, օրենքն ընդունվում է հրապարակման օրը և երկրորդ հրապարակումը տեղի է ունեցել ամսի 12-ին, որը համապատասխանում է կանոնակարգի այն պահանջին, որ 7-օրյա ժամկետում Գագիկ Հարությունյանը կարող է իր գրությունը հետ վերցնել, եթե չի վերցրել ես կարող եմ արձանագրել, որ նա արդեն ՍԴ նախագահ չէ: Միևնույն ժամանակ, գործող Սահմանադրությունն ասում է, որ ՍԴ նախագահը, երբ դիմում է տալիս, ապա պետք է 30 օրվա ընթացքում ընտրվի նոր նախագահ, ես ուզում եմ հասկանալ, որտեղ է Արա Բաբլոյանի խախտումը, որն ինքը թույլ է տվել: Կամ Արա Բաբլոյանն իրավասություն ո՞ւնի կանչի Գագիկ Հարությունյանին և ասի` ինչու եք 20 օր շուտ տալիս Ձեր դիմումը: Ես պնդում եմ, որ աբսուրդ է այս ամենը, ավելի լավ է իրենք հիմա կարճեին և իմ երկրի վարչապետին չդնեին վատ վիճակի մեջ»,- ասաց նա:
Բաբլոյանը նշեց, որ պետք է իրավապահները ներկայացնեն, թե որտեղ են գտնում իր լիազորությունների չարաշահումը:
Առավել մանրամասն՝ սկզբնաղբյուր կայքում: