Սփիլբերգի դուստրը որոշել է պոռնոաստղ դառնալ. oսկարակիր ռեժիսորին դստեր որոշումը շփոթեցրել է
Հոլիվուդի ամենահայտնի ռեժիսորներից մեկի՝ Սթիվեն Սփիլբերգի 23-ամյա դուստրը՝ Միքաելան, հայտնել է, որ պոռնոաստղի կարիերա է սկսում:
Ինչպես նշում է dailymail.co.uk-ը, թեև օսկարակիր Սփիլբերգը որդեգիր դստեր հայտարարությունը չի մեկնաբանել, այնուհանդերձ՝ նրան մոտ կանգնած քաջատեղյակ աղբյուրները նշել են, որ ռեժիսորը խիստ մտահոգված ու շփոթված է:
Միևնույն ժամանակ նշվում է, որ ռեժիսորն ու կինը միշտ էլ աջակցել են իրենց երեխաներին, այդ թվում՝ Միքաելային և փորձում են հնարավորինս հասկանալ նրա որոշումը:
«Բայց ակնհայտ է, որ նրանք շփոթված են աղջկա՝ սեքս ոլորտի աշխատող դառնալու անսպասելի որոշումից»,-ասել է աղբյուրը:
Միքաելան իր հերթին ասել է, որ ծնողներին միայն վերջերս է պատմել իր կարիերայի մասին և որ նրանք իրեն աջակցում են:
Աղջիկը նաև պատմել է, որ փոքր տարիքում սեռական ոտնձգությունների զոհ է դարձել, ինչի հետևանքով նրա մոտ առաջացել են հոգեբանական խնդիրներ, անորեքսիա, ալկոհոլից կախվածություն և մի շարք այլ խնդիրներ: Միքաելայի պնդմամբ ՝ նոր աշխատանքն իրեն հնարավորություն է տվել ավելի ինքնավստահ զգալ:
