Բրիտանիայում 8-ամյա տղային հրաժարվում են դպրոց ընդունել արտասովոր սանրվածքի պատճառով
Բրիտանուհի Բոննի Միլլերը բողոքել է մի քանի ուսումնական հաստատություններում իր որդու նկատմամբ ցուցաբերված խտրականության դեմ:
Ինչպես ներկայացնում է Корреспондент-ը, բրիտանուհու խոսքով՝ դպրոցները հրաժարվում են ընդունել տղային` վերջինիս արտասովոր սանրվածքի պատճառով: Այս մասին հա հայտնել է տեղի հեռուստաալիքի եթերում:
8-ամյա Ֆարուկ Ջեյմսը երկար, փարթամ վարսեր ունի, որոնց պատճառով էլ երեխային հրաժարվում են ընդունել դպրոց, քանի դեռ նա չի կտրել մազերը:
Ի դեպ, նշվում է, որ հենց սանրվածքն է տղային Instagram-ի աստղ դարձրել: Տղան իր սեփական էջն ունի սոցցանցում, որտեղ 272 000 հետևորդ ունի:
Տղան նաև որպես մոդել է հանդես գալիս: Նրան հրավիրում են մասնակցելու ողջ աշխարհում նորաձևության մանկական ցուցադրություններին այնպիսի համաշխարհային ապրանքանիշներ, ինչպիսին է Guess-ը:
Որպեսզի մազերը փարթամ մնան և գանգրանան, տղան դրանք հանքային ջրով է լվանում: Ֆարուկն ինքը նշում է, որ իրեն դուր է գալիս իր սանրվածքը, և ինքը չի պատրաստվում փոխել այն:
