Տեխասի բնակչուհին հրապարակել է հսկա սարդի՝ չղջիկին իր ցանցի մեջ գցելու և իր զոհը դարձնելու զարհուրելի լուսանկարները (լուսանկարներ)
ԱՄՆ Տեխաս նահանգի բնակչուհին հրապարակել է հսկա սարդի՝ չղջիկին իր ցանցի մեջ գցելու և իր զոհը դարձնելու զարհուրելի լուսանկարները, որոնք արել է իր տան մերձակայքում, գրում է Daily Mail-ը:
Լուսանկարների հեղինակն Անետ Ալանիս Գուախարդոն է, որն աշխատանքի գնալիս նկատել է, որ սարդը սովորականից ավելի մեծ «կերակուր» է բռնել:
Նա ականատես է եղել, թե ինչպես է սարդոստայնում խճճված չղջիկը փորձում դուրս գալ այնտեղից:
Կինը հայտնել է, որ ավելի ուշ, երբ վերադարձել է աշխատանքից, չղջիկն արդեն սատկած է եղել:
Որպես կանոն, Nephila Clavipes տեսակի սարդերը որսում են միջատների, այդ թվում՝ մորեխների, ճանճերի, ցեցերի, բայց ոչ չղջիկների:
Տանտիրուհին կատակել է, որ չնայած սարդը «մեծ ճաշկերույթից» հետո, հավանաբար, նոր զոհեր չի փնտրի, այնուհանդերձ որոշել է իր շներին ներս տանել:
Սոցիալական ցանցերում օգտատերերն այդ տեսարանը համեմատել են «մղձավանջի» հետ: Օգտատերերին մասնավորապես զարմացրել է սարդի մեծ չափերը: