«Ուկրաինայում սպասվող ընտրությունների՝ Մոսկվայի կողմից օրինական ճանաչվել-չճանաչվելու հարցը կախված է այդ ընտրությունների ընթացքից». Պեսկով
Ռուսաստանի Դաշնության նախագահ Վլադիմիր Պուտինի խոսնակ Դմիտրի Պեսկովը հայտարարել է, որ Ուկրաինայում այս կիրակի սպասվող նախագահական ընտրությունների՝ Մոսկվայի կողմից օրինական ճանաչվել-չճանաչվելու հարցը կախված է այդ ընտրությունների ընթացքից: Այս մասին գրում է TACC գործակալությունը:
«Ես կնախընտրեի չմեկնաբանել հարցը, թե արդյոք հնարավո՞ր է, որ Ուկրաինայում նախագահական ընտրությունների արդյունքներն անօրինական ճանաչվեն (Մոսկվայի կողմից): Դա նույնպես կախված կլինի նրանից, թե ինչպես կանցնեն ընտրությունները: Մենք չենք կարող խոսել այդ մասին, եթե ընտրությունները դեռ չեն կայացել», - ասել է Պեսկովը:
Նա նաև հրաժարվել է մեկնաբանել հարևան երկրում անցկացված նախընտրական քարոզարշավը:
«Ուկրաինայում նախընտրական քարոզչությանը գնահատական տալը մեր գործը չէ: Դա ուկրաինացիների գործն է», - ասել է Պուտինի ներկայացուցիչը: