Ատլանտյան օվկիանոսում մի քանի միլիոն դոլարի մեքենաներ տեղափոխող նավ է հրդեհվել ու խորտակվել (լուսանկարներ, տեսանյութ)
Համբուրգից դուրս եկած իտալական նավը, որը բարձված է եղել 2000 թանկարժեք մեքենայով, Բրազիլիա ուղևորվելու ճանապարհին հրդեհվել է ու խորտակվել: Միջադեպը տեղի է ունեցել Ատլանտյան օվկիանոսում:
Ինչպես նշում է Daily Mail-ը, բրիտանական ռազմածովային ուժերը փրկել են նավի 27 հոգանոց անձնակազմին:
Հայտնի է, որ 28 000 տոննա քաշով նավը խորտակվել է Ֆրանսիայի ափերից ոչ հեռու: Երկրի իշխանություններն անմիջապես սկսել են հավաքել խորտակման հետևանքով նավից արտահոսած վառելիքը:
Գերմանական Porsche մեքենաշինական ընկերությունից հայտնել են, որ նավի վրա եղել է իրենց արտադրության 37 մեքենա (718 Cayman-ներ, Boxter-ներ, Cayenne-ներ), այդ թվում՝ 4 հատ 911 GT2 RS թանկարժեք մոդել, որից յուրաքանչյուրն արժե 293 200 դոլար:
Բացի այդ, նավի վրա եղել են Audi A3, A5, RS4, RS5, Q7 մոդելներ: