Պուտինը մեկնաբանել է Նազարբաևի հրաժարականը՝ շնորհակալություն հայտնելով համատեղ աշխատանքի համար
Ռուսաստանի Դաշնության նախագահ Վլադիմիր Պուտինը մեկնաբանել է Ղազախստանի նախագահ Նուրսուլթան Նազարբաևի հրաժարականը, գրում է life.ru-ն:
«Մենք տեսնում ենք՝ ինչ քաղաքական իրադարձություններ են տեղի ունենում մեր դաշնակից երկրում… Բոլոր հիմքերը կան Նազարբաևի՝ նախագահի պաշտոնից հրաժարական տալու առնչությամբ նրան համատեղ աշխատանքի համար շնորհակալություն հայտնելու և աշխատանքում հաջողություններ մաղթելու համար»,- նշել է ՌԴ առաջնորդը կառավարության նիստի բացմանը:
Նրա խոսքերը ծափահարություններով են դիմավորել:
Պուտինը նաև հիշատակել է այն փաստը, որ Նազարբաևը Եվրասիական տնտեսական միության (ԵԱՏՄ) հեղինակներից է:
Հիշեցնենք, որ Ղազախստանի նախագահը 30 տարի երկրի ղեկավարի պաշտոնը զբաղեցնելուց հետո հրաժարական էր տվել: Նա Պուտինի հետ հեռախոսազրույց էր ունեցել, որի ընթացքում կողմերը պայմանավորվել էին հետագայում պարբերաբար կապ պահպանել: