Կահիրեում գնացքի վթարի հետևանքով առնվազն 25 մարդ է զոհվել (լուսանկարներ, տեսանյութ)
Եգիպտոսի մայրաքաղաք Կահիրեի կենտրոնական Ramses կայարանում արագընթաց գնացքը հարվածել է կայարանի հարթակներից մեկին, ինչի հետևանքով պայթյուն է որոտացել, ապա հրդեհ բռնկվել: Վթարի հետևանքով առնվազն 25 մարդ է զոհվել, շուրջ 50-ը տուժել են, գրում է BBC-ն:
Վթարի պատճառները հայտնի չեն: Վթարից ժամեր անց երկրի տրանսպորտի նախարար Հիշամ Արաֆաթը հրաժարական է տվել: Եգիպտոսի վարչապետ Մուստաֆա Մադբուլին արդեն ընդունել է նախարարի հրաժարականի դիմումը:
Վարչապետը, այցելելով դեպքի վայր, երդվել է խստորեն պատժել վթարի պատասխանատուներին: