Թրամփի հյուրանոցը Վաշինգտոնում «պատվել է» կղանքով (տեսանյութ)
ԱՄՆ նախագահ Դոնալդ Թրամփի հյուրանոցը Վաշինգտոնում վերածել են «կեղտոտ խորշի»՝ հյուրանոցի ճակատային հատվածում պրոյեկտված «կղանք էմոձիների» միջոցով։
Lenta.ru-ի հաղորդմամբ՝ բողոքի ակցիան պատկերող տեսանյութն իր թվիթերյան էջում հրապարակել է ակցիայի կազմակերպիչ, նկարիչ Ռոբին Բելը:
Հյուրանոցի մուտքի վերևում նաև հետևյալ գրություններն են հայտնվել. «Այս վայրը կեղտոտ խորշ է», «Սա աննորմալ է», «Նախագահը շեղում է մեր ուշադրությունը մեզ վնասող քաղաքականությունից»:
Այսկերպ ամերիկացի նկարիչն արձագանքել է Թրամփի խոսքերին այն երկրների մասին, որտեղից մեծ թվով ներգաղթյալներ են ժամանում ԱՄՆ:
Ամերիկացի նախագահն օրեր առաջ հայտարարել էր, որ ԱՄՆ չպետք է ընդունի «կեղտոտ խորշերից» եկող ներգաղթյալներին, ինչպես օրինակ Հայիթիից և աֆրիկյան երկրներից: