ԱՄՆ գլխավորած կոալիցիան հայտնել է Ռաքքայում գտնվող ահաբեկիչների թիվը
Սիրիայի Ռաքքա քաղաքում «Իսլամական պետություն» ահաբեկչական խմբավորման ընդամենը մի քանի հարյուր գրոհային կարող են մնացած լինել: РИА Новости-ի փոխանցմամբ՝ այս մասին հայտարարել է ԱՄՆ ղեկավարությամբ գործող միջազգային կոալիցիայի ղեկավար Ռայան Դիլոնը:
«Մեր գնահատմամբ՝ Ռաքքայում ԻՊ-ի 400-800 գրոհային է մնացել: Նրանց մեծամասնությունն արտասահմանցիներ են: Նրանք պայքարելու են մինչև վերջ», - ասել է Դիլոնը Բաղդադում կայացած ճեպազրույցի ժամանակ, որը հեռարձակել է Պենտագոնը:
Կոալիցիայի ներկայացուցիչը նշել է նաև, որ գրոհայինների վերահսկողության տակ դեռևս 4 քառ. կմ տարածք է մնում, այդ թվում և մարզադաշտն ու հիվանդանոցը, որն ահաբեկիչները շտաբի են վերածել:
Դիլոնի խոսքով՝ «Սիրիական ժողովրդավարական ուժեր, ընդդիմադիր զորամիավորման ուժերը մարտեր են մղում յուրաքանչյուր թաղամասի համար: Վերջին մի շաբաթում նույնպես հաջողություններ են գրանցվել տարածքների ազատագրման գործում: