Մադրիդի իշխանությունները Կատալոնիային նոր ֆինանսավորման մոդել են առաջարկում՝ անկախության հանրաքվեն չեղարկելու դիմաց
Իսպանիայի էկոնոմիկայի նախարարությունը պատրաստ է Կատալոնիայի ֆինանսավորման նոր տարբերակ առաջարկել ինքնավար մարզի ղեկավարներին, եթե նրանք համաձայնեն չեղարկել անկախության շուրջ հոկտեմբերի 1-ին նախատեսված հանրաքվեն:
Այս մասին Ինտերֆաքսի փոխանցմամբ հայտարարել է Իսպանիայի էկոնոմիկայի նախարար Լուիս դե Գինդոսը, հայտնում է El Pais-ը:
Հիշեցնենք, որ Մադրիդի իշխանությունները կտրականապես դեմ են Կատալոնիայի առաջիկա հանրաքվեին, որը կարող է հանգեցնել ինքնավար մարզի անկախացմանը, և ամեն կերպ փորձում են չեղարկել այն՝ Իսպանիայի միասնությունը պահպանելու նպատակով: