Mercedes-ն սկսել է նախնական պատվերներ ընդունել 2019-ին թողարկվելիք էլեկտրական մոդելի համար
Նորվեգացիներն առաջինն են, որոնք հնարավորություն են ստացել պատվիրելու դեռևս չթողարկված Mercedes-Benz EQC էլեկտրական քրոսովերը:
Ինչպես հաղորդում է Motor.ru-ն, 2019-ին թողարկվելիք մեքենայի նախնական պատվերների քանակն արդեն գերազանցել է 2000-ը: Նախնական պատվերը ձևակերպելու համար անհրաժեշտ է 20 019 նորվեգական կրոն (2550 դոլար) կանխավճար անել: Ի դեպ, նույն անվան տակ կարելի է միայն մեկ ավտոմեքենա գրանցել:
Mercedes-Benz EQ կոնցեպտային մեքենան ներկայացվել է 2016-ի Փարիզյան ավտոսրահում: Էլեկտրական քրոսովերը համալրված է 2 էլեկտրաշարժիչով, որոնց ընդհանուր հզորությունը կազմում է 409 ձիաուժ և մարտկոցների համալիրով: Առանց վերալիցքավորման մեքենան կարող է 500 կմ տարածություն անցնել, իսկ 100 կմ/ժամը մեքենան զարգացնում է 5 վայրկյանում: