Բեռլինում տղամարդը կրակ է բացել ակումբներից մեկի դիմաց. կա զոհ
Բեռլինի գիշերային ակումբներից մեկի դիմաց հրաձգություն է տեղի ունեցել, ինչի հետևանքով մեկ մարդ է մահացել, երեքը՝ վիրավորվել: Այս մասին հայտնել է բեռլինյան ոստիկանությունն իր Twitter-յան էջում:
Երկու տղամարդու միջև վեճ է տեղի ունեցել, նրանցից մեկը կրակ է բացել մյուսի ուղղությամբ՝ վիրավորելով չորս անձի: Նրանք տեղափոխվել են հիվանդանոց, որտեղ տուժածներից մեկը մահացել է:
Վեճի պատճառներն առայժմ չեն բացահայտվում, կրակ բացած տղամարդը ձերբակալված է, տարվում է հետաքննություն: