Հայտնի են դարձել Սալվադոր Դալիի և իսպանուհի գուշակի բարեկամության ԴՆԹ հետազոտության արդյունքները
Ստացվել են իսպանացի գեղանկարիչ Սալվադոր Դալիի հայրության ԴՆԹ հետազոտության արդյունքները, որոնք ցույց են տվել, որ նա գուշակ Պիլար Աբելի հայրը չէ:
Ինչպես հաղորդում է Lenta.ru-ն՝ վկայակոչելով իսպանական աղբյուրը, փորձաքննությունը միակ ապացույցը կհանդիսանա դատարանում, քանի որ այլ գրավոր նշում կամ որևէ փաստաթուղթ չկա, որը կհաստատի 61-ամյա կնոջ և 20-րդ դարի ամենահայտնի նկարիչներից մեկի բարեկամական կապը:
Հայրության մասին հայցի քննությունը դատարանում կկայանա սեպտեմբերի 18-ին:
Հիշեցնենք, որ հայցի հիման վրա հուլիսին արտաշիրիմում էին կատարել Դալիի հայրենի Ֆիգերաս քաղաքում, որտեղ նա հուղարկավորվել էր:
Իսպանուհին հայրության հայցը ներկայացրել էր 2015-ի մարտին: Գործով պատասխանող կողմ է հանդիսանում Իսպանիայի Թագավորությունն ու Սալվադոր Դալիի հիմնադրամը, որոնք էլ դարձել են նրա ստեղծագործական ժառանգության տերերը: Նրա կտավների արժեքը գնահատվում է 325 մլն եվրո: