Անդեր Էրերա. ՄՅՈւ-ն չի վախենում Սթոք Սիթիից
Անգլիական «Մանչեսթեր Յունայթեդի» իսպանացի կիսապաշտպան Անդեր Էրերան խոսել է «Սթոք Սիթիի» հետ առաջիկա խաղի մասին Պրեմիեր լիգայի չորրորդ տուրում:
«Պրեմիեր լիգան շատ երկար և ուժեղ առաջնություն է, այստեղ յուրաքանչյուրը կարող է հաղթել: Այժմ պետք է արտագնա հանդիպում անցկացնենք «Սթոք Սիթիի» հետ, որին չենք կարողանում հաղթել վերջին տարիներին:
Հիանալի ենք մեկնարկել ԱՊԼ-ում, սակայն պետք չէ կորցնել զգոնությունը: Պատրաստ ենք խաղին: Չկան արդարացումներ, պետք է փորձենք հաղթել:
«Մանչեսթեր Յունայթեդն» ենք, այդ պատճառով չենք վախենում ոչ մեկից»,- Էրերայի խոսքը մեջբերում է ակումբի պաշտոնական կայքը: