ՉԼ. Տիգրան Բարսեղյանի գոլը նպաստել է Վարդարի՝ հաջորդ փուլ դուրս գալուն
Մակեդոնական «Վարդարը» դուրս է եկել Չեմպիոնների լիգայի որակավորման երրորդ փուլ:
Երկրորդ փուլի պատասխան խաղում Մակեդոնիայի չեմպիոնը 3:1 հաշվով հաղթել է շվեդական «Մալմյոյին»:
Հայաստանի հավաքականի պաշտպան Հովհաննես Համբարձումյանը և հարձակվող Տիգրան Բարսեղյանը տանտերերի մեկնարկային կազմում էին: 61-րդ րոպեին Խուան Ֆելիպեն անհաջող է իրացրել 11 մետրանոցը, իսկ վրա հասած Տիգրան Բարսեղյանը խփել է «Վարդարի» երկրորդ գնդակը:
Համբարձումյանը մասնակցել է ամբողջ հանդիպման, իսկ Բարսեղյանը փոխարինվել է 73-րդ րոպեին: