Գերմանիան պատրաստվում է դուրս բերել իր զինվորականներին թուրքական «Ինջիրլիք» ավիաբազայից. Գերմանիայի ԱԳՆ ղեկավար
Գերմանիայի արտաքին գործերի նախարար Զիգմար Գաբրիելը Անկարայում իր թուրք պաշտոնակից Մևլյութ Չավուշօղլուի հետ հանդիպումից հետո հայտարարել է, որ Գերմանիան, ամենայն հավանականությամբ, դուրս կհանի իր զինվորականներիցն թուրքական «Ինջիրլիք» ավիաբազայի տարածքից. այս մասին գրում է գերմանական ZEIT-ը:
Գաբրիելը հայտնել է, որ Գերմանիայի խորհրդարանը խնդրի վերաբերյալ գրավոր հարցումը կուղղի երկրի կառավարությանն ու հավանության արժանանալու դեպքում դուրս կբերի իր զինվորներին Թուրքիայից:
Հիշեցնենք, որ այսօր Թուրքիայի արտաքին գործերի նախարար Մևլութ Չավուշօղլուն իր գերմանացի գործընկեր Զիգմար Գաբրիելի հետ Անկարայում տեղի ունեցած հանդիպումից հետո հայտարարել է, որ Թուրքիան առաջվա պես հավատարիմ է մնում իր որոշմանն ու թույլտվություն չի տրամադրի գերմանացի պաշտոնյաներին Թուրքիայում գտնվող «Ինջիրլիք» ավիաբազա այցելելու համար:
Օրեր առաջ Չավուշօղլուն հատարարել էր, որ գերմանացի պատգամավորներին կարգելվի մուտք գործել «Ինջիրլիք» ռազմաբազա, քանի դեռ Բեռլինը չի փոխել իր բացասական վերաբերմունքն Անկարայի նկատմամբ:
Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր, որ Թուրքիան պատրաստ է «հրաժեշտ տալ» Գերմանիային, եթե Բեռլինը որոշի հետ կանչել իր զինվորականներին «Ինջիրլիք» թուրքական ռազմաբազայից: