Алматыда заңсыз салынған ірі нысан бұзылды
Алматыда кезекті заңсыз нысан бұзылды, - деп хабарлайды Tengrinews.kz тілшісі.
Алматының Қала құрылысын бақылау басқармасының мәліметінше, Қайрат шағын ауданы, Дәулеткерей көшесі, 61-үй мекенжайында ірі күрделі құрылым бұзылды. Меншік иесі нысанды рұқсатсыз салған.
"Жоспардан тыс тексеру нәтижелері бойынша басқарма меншік иесіне қатысты құрылыс-монтаж жұмыстарын тоқтата тұруға және учаскені бастапқы күйіне келтіруге нұсқама бере отырып, 1-баптың 316-бабы бойынша әкімшілік шаралар қабылдады. Өз кезегінде меншік иесі нұсқаманы орындамады, осыған байланысты іс сотқа жіберілді", - делінген хабарламада.
2024 жылғы 27 наурызда Түрксіб аудандық сотының шешімімен басқарманың талабы қанағаттандырылды. Сот шешімін орындау үшін меншік иесі нысанды өз еркімен бұзды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!