Ақмола облысында River Coins Limited қаржы пирамидасын құрған әйел сотталды
Ақмола облысында River Coins Limited қаржылық пирамидасын құру және басқару бойынша соталды тергеу аяқталды, - деп хабарлайды Tengrinews.kz тілшісі Қаржы мониторингі агенттігінің баспасөз қызметіне сілтеме жасап.
Ведомство мәліметінше, ұзақ уақыт желілік маркетингпен айналысқан Г.У. Оралбаева қаржылық пирамида жүйесі негізінде жеке тұлғалардан ақша тарту арқылы табыс табу мақсатында компания құрған.
Оралбаеваның River Coins Limited қаржы пирамидасын құру және басқару бойынша заңсыз әрекеттерінің нәтижесінде 2000-нан аса жеке тұлға зардап шеккен, келтірілген шығын көлемі 18 миллион теңгеден асады.
Сот Оралбаеваны қылмыс жасағаны үшін кінәлі деп танып, бес жылға шартты түрде бас бостандығынан айырды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!