"Қан құйды". Саакашвилидің жағдайы белгілі болды
Грузияның бұрынғы президенті Михаил Саакашвилиге аштықтан кейін қан құю қажет болды. Бұл туралы оның жеке дәрігері Николоз Киппшидзе мәлімдеді, - деп хабарлайды Tengrinews.kz тілшісі Sputnik Грузия порталына сілтеме жасап.
"Бір көрсеткіш өте нашар болды, сондықтан қан құйдық. Бәрі жақсы өтті. Бізге түрме дәрігерлері мен реанимобиль бригадасы көмектесті. Әзірге бәрі жақсы", - деді дәрігері.
Кипшидзенің айтуынша, түрмедегі медициналық кабинет мұндай процедураларға жарамайды. Оның пікірінше, Саакашвили түрмеден тыс клиникада емделуі қажет.
Еске салайық, Саакашвили Грузияда 1 қазанда ұсталды, ол сол күні аштық жариялады.
Экс-президент банкир Сандро Гиргвлианиді өлтіру және депутат Валерий Гелашвилиді ұрып-соғу істері бойынша сырттай сотталды. Сонымен қатар, ол 2007 жылы 7 қарашада болған оппозициялық митингіні тарату, "Имеди" телекомпаниясы ғимаратында бүлік шығару және мемлекеттік бюджеттен қаражат ысырап ету істерінде қаралып жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!