Қытай атынан шыққан этникалық қазақ Олимпиаданың қола медалін жеңіп алды
Қытайлық балуан, этникалық қазақ Уәлихан Сәйліке Токио Олимпиадасының қола жүлдегері атанды, - деп хабарлайды Tengrinews.kz тілшісі.
Грек-рим күресі жарысының 60 келіге дейінгі салмағында Сәйліке қола медальға таласып, украиналық Ленур Темировті 3:1 есебімен жеңді.
Қытай құрамасы медальдар есебі бойынша көш бастап тұр: 28 алтын, 16 күміс және 16 қола жүлде.
Айта кетейік, осы салмақта Қазақстан намысын Мейрамбек Айнағұлов қорғаған еді, бірақ ол бірінші кездесуінде жеңіліп қалған.
Бүгін балуан Демеу Жадыраев та алғашқы қарсыласына жол берген еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!