Нұр-Сұлтан мен Алматыда сауда орталықтары мен кафелер қалай жұмыс істейді?
2 тамызда Нұр-Сұлтан мен Алматы қалаларының бас санитария дәрігерлерінің жаңа қаулысы күшіне енді. Құжаттар бірқатар кәсіпкерлік нысандар үшін жаңа жұмыс режимін қарастырады, - деп хабарлайды Tengrinews.kz тілшісі.
Нұр-Сұлтан әкімдігі сайтындағы мәлімет бойынша, Ashyq жобасына қатыспайтын бірқатар кәсіпкерлік нысан жұмысына тыйым салынған. Дәріханалар, азық-түлік дүкендері, байланыссыз қызмет көрсететін нысандар тізімге кірмейді.
Сауда орталықтары мен кафелерге кіру тек Ashyq жүйесіндегі QR-кодты сканерлеу арқылы жүзеге асады. Бұл нысандардың жұмыс кестесі таңғы сағат 7-ден 20.00-ге дейін белгіленген (жұмыстың нақты уақытын СОО және т.б. өкілдерінен нақтылау ұсынылады). Сенбі және жексенбі күндері жұмысқа тыйым салынған.
Ashyq жобасына қатыспайтын мейрамхана, кафе, асхана орналасқан жеріне қарамастан адамдарға тамақты тек шығарып бере алады.
Ashyq қатысушыларына тек жұмыс күндері 07.00-ден 20.00-ге дейін жұмыс істеуге рұқсат етіледі. Бұл ретте мекеме залына тек 50 адам кіргізе алады.
Нұр-Сұлтан қаласының бас санитария дәрігері қаулысының толық нұсқасын мына сілтеме бойынша көре аласыздар.
Алматыда Ashyq жобасына қатысатын сауда және ойын-сауық орталықтарына, сауда үйлері мен сауда желілеріне жұмыс күндері 7.00-ден 20.00-ге дейін жұмыс істеуге рұқсат етіледі, демалыс күндері жұмыс істеуге тыйым салынады (жұмыстың нақты уақытын СОО және т.б. өкілдерінен нақтылау ұсынылады).
Кафе, мейрамхана, асхана, жазғы алаңдар 7.00-ден 20.00-ге дейін жұмыс істейді. Ішкі залына 50 адамнан артық кіргізілмейді.
Тамақтану нысандарында жұмыс күндері 7.00-ден 20.00-ге дейін, 50 пайызға дейін, бірақ 50 орыннан аспайтын келушіні қабылдап, жұмыс істеуге рұқсат етіледі. Демалыс күндері олардың жұмысына тыйым салынады.
Алматы қаласының бас санитария дәрігері қаулысының толық нұсқасын мына сілтеме бойынша алуға болады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!