Алматы әуежайының жаңа президенті тағайындалды
Мете Еркал Алматы халықаралық әуежайының президенті болып тағайындалды, - деп хабарлайды Tengrinews.kz тілшісі TAV Airports баспасөз қызметіне сілтеме жасап.
Бұған дейін ол TAV Airports Holding-те операцияларды үйлестіру менеджері және 2009 жылдан 2021 жылға дейін Грузия TAV бас менеджері болып жұмыс істеген.
Хабарламада Мете Еркал 1993 жылы Оңтүстік Иллинойс университетінің қаржы факультетін бітіргені айтылған. Сент-Луисте Blinder & Robinson Co компаниясында менеджмент бойынша тәжірибе жинақтаған. Сонымен қатар Нью-Йорк пен Парижде Turkish Airlines-те бағыттар бойынша менеджер болып жұмыс істеген.
1995 жылдан 1999 жылға дейін Мете Еркал Havaş Ground Handling жекешелендіру кезінде және Swissport серіктестігінде сату және қызмет көрсету жөніндегі бас директордың орынбасары болды. Кейінірек ол 1999 жылдан 2002 жылға дейін Челеби әуе қызметтеріне коммерциялық директор ретінде қосылған.
Америкалық Маркетинг қауымдастығының мүшесі.
Бұған дейін Алматы халықаралық әуежайы TAV Airports түрік компаниясының иелігіне өткені хабарланған болатын.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!