Батыр Жүкембаев әлем чемпионы титулы үшін жекпе-жек өткізуге жақындады - БАҚ
Бірінші жартылай орта салмақта өнер көрсететін Батыр Жүкембаев (18-0, 14 КО) әлем чемпионы титулы үшін жекпе-жек өткізуге жақындады, деп хабарлайды Vesti.kz.
Primerahora.com мәліметінше, Жүкембаевтың келесі қарсыласы пуэрторикалық Сабриэль Матиас (16-1, 16 КО) болауы мүмкін. Жекпе-жек мамырға жоспарланған.
Жүкембаев - Матиас жекпе-жегінің жеңімпазы IBF рейтингінде екінші орынға көтеріліп, Льюис Ритсон (21-1, 12 КО) - Йеремиас Понсе (27-0, 17 КО) кездесуінің жеңімпазымен жұдырықтасуға мүмкіндік алады. Жеңімпаздар арасындағы жекпе-жекте жеңген боксшы бірінші жартылай орта салмақта IBF тұжырымы бойынша әлем чемпионы титулына міндетті үміткер атанады.
Жүкембаев рингке соңғы рет биыл қаңтарда шығып, Монреальда мексикалық Рикардо Лараны (22-8, 10 КО) нокаутпен жеңген болатын. Бұл кездесуде ол бірінші жартылай орта салмақта WBA Continental Americas және IBF Inter-Continental титулдарын қорғаған еді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!