Алматы тауларында блокбекеттер қойылды
Шымбұлақтың жоғары тұсында, үлкен Алматы өзені маңындағы Аюсай шатқалына қарай өтуге тыйым салынды, - деп хабарлайды "Хабар 24".
Қалалық төтенше жағдайлар қызметі өкілдері бұған құтқарушылардың жарылыс ұйымдастыруы себеп дейді. Көшкін жүрудің алдын алу мақсатында олар тау шатқалынан 5 мың текше метр қар түсірген.
"11 ақпанда қар қалың жауғанына байланысты үлкен және кіші Алматы шатқалдарында жаяу жүргіншілерге және қала демалушыларына жолдар жабық. Дүйсенбі, яғни 15-не дейін жол жабық болуы ықтимал. Ауа райына қарай тағы да айтамыз", - деді "Қазселденқорғау" ММ Алматы қаласы бойынша басқарма басшысының орынбасары Кеңесжан Күнесбай.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!