Қарағанды облысында карантин жеңілдейді
Қарағанды облысының бас санитар дәрігерінің жаңа қаулысы жарияланды, онда карантин бойынша жеңілдіктер қарастырылған, - деп хабарлайды Tengrinews.kz тілшісі.
Бүгін Қарағанды облысының эпидемиологиялық жағдайы жақсарып, "сары" аймақтан "жасылға" ауысты.
Енді кафелер мен мейрамханалар жұмыс және демалыс күндері 07.00-ден түн ортасына дейін жұмыс істей алады. Отыратын орындар санын 30-дан 50-ге ұлғайтуға рұқсат берілді, алайда зал толымдығы 50 пайыздан аспауы керек.
Кинотеатрларда толымдық 20 пайыздан, адамдар саны 30-дан аспауы тиіс.
Театр, кітапхана және мұражайларға да талап сондай.
Өзгерістер жазылған құжатты мына жерден оқи аласыз.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!