Қоқиқаз бен аққуларды түсірген ролик авторы жаңа видео жариялады
Ақтауда қоқиқаздарды видеоға түсірген Азамат Сәрсенбаев жаңа ролик жариялады. Бұл жолы ол Қаракөл көліне қонған аққу мен үйректер тобын түсірді, - деп хабарлайды Tengrinews.kz тілшісі "Лада" басылымына сілтеме жасап.
Қаракөл көліндегі аққулар мен үйректерді Азамат Сәрсенбаев 20 қаңтарда түсіріп алған. Ролик авторы су қоймасы маңайына тамашалауға болатын алаңдар орнатқан жөн деп ойлайды. Сол арқылы бәрінің бұл көріністі көргенін қалайды.
"Жақын жерде тұрып, өте көп аққу мен үйректің даусын тыңдау ерекше әсер береді", - деп бөлісті ол.
Айта кетейік, өткен жылы Желіде Азамат Сәрсенбаевтың Қаракөлге қонған қызғылт қоқиқаздарды түсірген видеосы таралған еді. Ол жүздеген қаралым жинап, Желі қолданушыларына ерекше ұнады. Оны шетелдік БАҚ-та жарялады.
Ал 14 қаңтарда ол Қаракөл аумағында қатты желдің әсерінен өз тобынан қалып қойған жалғыз аққуды түсірген видеосын жариялады.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!