Коцарев- македонскиот јазик е формиран пред државата Македонија

Македонскиот јазик има повеќедневна традиција, формиран е пред формирањето на државата Македонија, а се зборува надвор од границите на денешна Македонија. За посебноста на македонскиот јазик веќе поодамна се изјаснила светската славистика, не македонската или бугарската. Ова го истакнува претседателот на МАНУ Љупчо Коцарев во интервју за ТВ Телма, кој вели дека Денот на светите браќа Кирил и Методиј – 24 Мај треба да го одбележуваат повеќе држави, не само Македонија и Бугарија, туку и сите словенски држави и народи.

„Заедничките чествувања се европски и цивилизациски придобивки, па затоа треба да се прават врз еднаква основа со почитување на различните перцепции и без наметнување на сопствениот наратив врз наративот на другиот и без повреда на достоинството на Македонците со условувње и уцени“, рече Коцарев.

Заев- можеби образовната реформа за шесто одделение треба да стартува од 2022 година

Во однос на најавените реформи во образованието, Коцарев во интервјуто истакна дека МАНУ треба да даде критичка анализа на концепцијата на основното образование. Смета дека во една од најсиромашните држави во Европа се предлага концепција која не постои во ниту една друга држава, вклучувајќи ги најнапредните образовни земји во светот.

“Според конепцијата, во сите девет одделенија не се изучуваат посебно предметите физика, хемија и биологија, кои од една страна се основи за применети науки кои, пак, од друга страна се фундаменти за континуираниот, инсклузивен и одржлив економски развој во која било држава, па така и Македонија. Така во една од најсиромашните држави од Европа, во која социјалниот и општествениот статус на учителот е многу низок, се предлага концепција која можеби ќе има несогледливи последици врз македонската економија, но сигурно ќе доведе до целосно обезличување на професијата учител“, рече претседателот на МАНУ.