შსს-მ ნარკოდანაშაულისთვის აეროპორტში ირანის მოქალაქე დააკავა
სამართალდამცველებმა ირანის მოქალაქე ნარკოდანაშაულისთვის თბილისის აეროპორტში დააკავეს. დაკავებულის ჩხრეკისას ამოღებულია 158 გრ ნარკოტიკული საშუალება.
გამოძიებით დადგინდა, რომ ნარკოტიკები ბრალდებულმა თურქეთიდან საქართველოში შემოიტანა.
გამოძიება განსაკუთრებით დიდი ოდენობით ნარკოტიკული და ფსიქოტროპული საშუალებების უკანონო შეძენა-შენახვის და საქართველოში უკანონოდ შემოტანის ფაქტზე მიმდინარეობს.