მოჭიდავე ლერი აბულაძე მსოფლიოს ჩემპიონი გახდა
ბელგრადში გამართულ მსოფლიოს ჩემპიონატზე, 63 კილოგრამ წონით კატეგორიაში მოჭიდავე ქართველმა სპორტსმენმა ოქროს მედლისკენ მიმავალ გზაზე ოთხი შეხვედრა მოიგო. ფინალამდე თურქ, უკრაინელ და ფრანგ მეტოქეებს აჯობა. საჩემპიონო ბრძოლაში კი აზერბაიჯანელი მურად მამადოვი დაამარცხა.
ლერი აბულაძე მსოფლიოს ჩემპიონატის ფინალში ზედიზედ მესამედ გავიდა. 2021 და 2022 წლებში მიზნამდე თითო გამარჯვება დააკლდა და ვერცხლის მედალს დასჯერდა.
მსოფლიოს წლევანდელ ჩემპიონატზე საქართველოს ნაკრებმა სულ ორი მედალი მოიპოვა. აბულაძის გარდა კვარცხლბეკზე ნუგზარ წურწუმია ავიდა - 55 კილოგრამ წონით კატეგორიაში მეორე ადგილი დაიკავა.