გლდანში მომხდარი ავტოავარიასთან დაკავშირებით, რომელსაც ორსული ემსხვერპლა, მძღოლი დააკავეს
29 ივლისს გლდანში ავტომანქანა ქვეითად მოსიარულე ორსულს დაეჯახა, რის შედეგად ქალი ადგილზე გარდაიცვალა, სამი ქალი კი დაშავდა. თბილისი ენერჯის ცნობით ავარიის დროს დაზიანდა გაზის მილი და აფეთქების საშიშროება შეიქმნა.
შსს-ს ინფორმაციით, მომხდარზე გამოძიება სსკ-ის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.